«Самұрық-Қазына» стратегиялық сессиясында бизнес-процестердегі ЖИ трендтері мен қолдану мүмкіндіктері талқыланды

Алматыда жасанды интеллектінің компаниялар жұмысына енгізіп жатқан өзгерістері мен бизнеске пайдалы ЖИ құралдарын енгізуге көмектесетін тәсілдер бойынша стратегиялық сессия өтті. Қатысушылар халықаралық кейстерді, сондай-ақ шешімдердің тиімділігін бағалауға, тәуекелдерді басқаруға және сәтті жобалардың ауқымын кеңейтуге мүмкіндік беретін тәжірибелерді қарастырды. Жасанды интеллектіні қауіпсіз пайдалану мәселелеріне ерекше назар аударылды.

Атап айтқанда, деректердің сапасы, қабылданатын шешімдердің ашықтығы, процестегі адамның рөлі және интеллектуалды жүйелердің автономдылығының шекаралары талқыланды.

Сонымен қатар, қатысушылар бүгінде ЖИ көмегімен қандай бизнес-міндеттерді шешуге болатынын және қандай жағдайда негізгі шешімдерді адам қабылдауы тиіс екенін талдады.